मुंबई विद्यापीठाच्या अधिसभा निवडणुकीचा कार्यक्रम जाहीर – पुढील वर्षी २१ एप्रिलला मतदान

मुंबई दि.३० :- मुंबई विद्यापीठाच्या नोंदणीकृत पदवीधर गटाची अधिसभा निवडणुकीसाठी पुढील वर्षी २१ एप्रिल रोजी मतदान घेण्यात येणार आहे. नोंदणीकृत पदवीधर गटाच्या एकूण १० जागांसाठी हे मतदान होईल. या निवडणुकीचा संपूर्ण कार्यक्रम जाहीर करण्यात आला आहे. सकाळी ९ ते सायंकाळी ५ या वेळेत मतदान होणार आहे.

ठाणे जिल्ह्यातील मतदारांच्या संख्येत वाढ

तर २४ एप्रिल २०२४ रोजी सकाळी नऊ वाजता फोर्ट संकुलातील सर कावसजी जहांगीर दीक्षान्त सभागृहात मतमोजणी केली जाणार आहे. अनुसूचित जाती (१), अनुसूचित जमाती (१), विमुक्त जाती किंवा भटक्या जमाती (१), इतर मागास वर्ग (१), महिला (१) आणि खुला प्रवर्ग (५) अशा एकूण १० जागांसाठी ही निवडणूक होणार आहे. त्या निवडणुकीसाठी ३० ऑक्टोबर ते ३० नोव्हेंबर या कालावधीत पदवीधरांची मतदार नोंदणी https://mu.ac.in या संकेस्थळावरील ‘इलेक्शन २०२२’ किंवा https://mu.eduapp.co.in या संकेतस्थळावर ऑनलाइन पद्धतीने करता येणार आहे.

सुनील तटकरे यांना मराठा समाजाच्या कार्यकर्त्यांकडून काळे झेंडे

याच संकेतस्थळावर १ डिसेंबर २०२३ ते रविवार २५ फेब्रुवारी २०२४ या कालावधीत मतदार नोंदणी अर्ज छाननी, आक्षेप व मतदारयादी (तात्पुरती मतदार यादी, सुधारित मतदार यादी आणि आक्षेप) आणि त्यानंतर २६ फेब्रुवारी २०२४ रोजी अंतिम मतदारयादी प्रसिद्ध करण्यात येणार आहे .