धर्मांतरणाच्या “डिजिटल जिहाद”चा नवा चेहरा उघड: गुप्तचर यंत्रणांचा खळबळजनक अहवाल

जय जोशी

भारताच्या गुप्तचर यंत्रणांनी एका अत्यंत संवेदनशील आणि धक्कादायक कटाचा पर्दाफाश केला आहे. देशात मुस्लिम बहुसंख्यतेकडे लोकसंख्यात्मक झुकाव साधण्यासाठी हिंदू मुलींचा वापर करून सॉफ्ट धर्मांतरणाची संघटित योजना राबवली जात असल्याचे उघड झाले आहे. 2018 ते 2024 या कालावधीत ST, SC आणि OBC समाजातील 300 हून अधिक मुलींना प्रेमजाळ्यात अडकवून, बनावट विवाह आणि धर्मशिक्षणाच्या नावाखाली धर्मांतरित करण्यात आल्याची माहिती समोर आली आहे.

या प्रकरणातील गांभीर्य लक्षात घेता गुप्तचर यंत्रणांनी याला “हिंसारहित लोकसंख्यात्मक युद्ध” असे संबोधले आहे. या मोहिमेचा उद्देश थेट हल्ला किंवा हिंसा नसून, सामाजिक रचना बदलणे आणि देशात दीर्घकालीन लोकसंख्यात्मक प्रभाव निर्माण करणे हा आहे.

कटाचा आराखडा — डिजिटल प्लॅटफॉर्मचा वापर

टेलिग्राम, टिंडर, सिग्नल आणि इन्स्टाग्रामसारख्या प्लॅटफॉर्मवरून मुलींना प्रेमाचे, नोकरी किंवा लग्नाचे आमिष दाखवले जाते. एकदा संपर्क झाला की त्यांच्यावर मानसिक, धार्मिक व भावनिक दबाव टाकून त्यांना इस्लाम स्वीकारण्यास प्रवृत्त केलं जातं.

देशांतर्गत आणि आंतरराष्ट्रीय नेटवर्क

NIA च्या तपासात 60 हून अधिक डिजिटल ग्रुप आढळले असून, यांचे मेटाडेटा UAE आणि कतारशी संबंधित आहेत. पाकिस्तानस्थित बरेलवी आणि देवबंदी गटांशी याचा संबंध असल्याचे निदर्शनास आले आहे. हे नेटवर्क दक्षिण भारतातील मदरशांमध्ये प्रशिक्षण देऊन धर्मांतरण घडवून आणते.

NGO आणि आर्थिक व्यवहारांचा जाळं

दिल्ली, आग्रा आणि लखनौमधील सेहर वेल्फेअर सोसायटी आणि सूफिया फाउंडेशन या संस्थांवर संशय असून, यांच्याशी फैजाबादमधील छांगूर बाबा यांचे संबंध असल्याचं उघड झालं आहे. केवळ बलरामपूरमध्येच 35 कोटींची उलाढाल झाली असून, यासाठी क्रिप्टो, हवाला, UPI आणि सहकारी बँक खात्यांचा वापर करण्यात आला.

फसव्या कागदपत्रांची निर्मिती आणि बनावट विवाह

बरेली, शाहजहांपूर, आग्रा, मथुरा इत्यादी शहरांमध्ये बनावट संमतीपत्र तयार करणाऱ्या वकिलांनाही अटक करण्यात आली आहे. धर्मांतरित मुलींना बनावट आधार कार्ड आणि मतदार ओळखपत्रे दिली जातात.

धर्मांतरणाच्या प्रशिक्षणाची साखळी

भोपालमधील दारुल उलूम तजकिया ही संस्था 16 ते 22 वयोगटातील तरुणांना धार्मिक प्रशिक्षण देते. केरळ ते बंगालपर्यंत झैतून कौन्सिलसारखे ग्रुप यांचे डिजिटल समन्वय साधतात. धर्मांतरित महिलांना केरळ मदरसा वेब नेटवर्कद्वारे नव्या ओळखी मिळतात आणि पुन्हा जिहादी प्रचारासाठी सोशल मीडियावर सक्रिय केलं जातं.

सरकारपुढे मोठं आव्हान

या “सॉफ्ट जिहाद” मोहिमेमुळे भारताची अंतर्गत सुरक्षितता गंभीर धोक्यात आली आहे. गुप्तचर यंत्रणांनी केंद्र आणि राज्य सरकारांना या संदर्भातील विस्तृत डोसियर्स पाठवले असून, तातडीने कारवाईची गरज व्यक्त केली आहे.

हा अहवाल केवळ सिद्धांत नव्हे, तर प्रत्यक्षात देशातील सामाजिक समीकरण बदलत असल्याचे संकेत देतो. गुप्त, संघटित, आणि अत्यंत योजनाबद्ध या मोहिमेचा मुकाबला करण्यासाठी केवळ कायदे नव्हे, तर सामाजिक जागरूकतेची गरजही तितकीच तीव्र आहे.