करोना पार्श्वभूमीवर ३१ मार्च २०२३ पर्यंत कलाकारांना अर्थसहाय्य देण्यात येणार
सांस्कृतिक कार्य मंत्री सुधीर मुनगंटीवार यांची माहिती
मुंबई दि.१३ :- करोना पार्श्वभूमीवर कलाकारांना देण्यात येणा-या आर्थिक मदतीची मुदत येत्या ३१ मार्च २०२३ पर्यंत वाढविण्यात आली असल्याची माहिती सांस्कृतिक कार्य मंत्री सुधीर मुनगंटीवार यांनी दिली.
एकल कलाकारांची निवड पद्धती व अर्जासोबत जोडावयाची कागदपत्रे याबरोबर वार्षिक उत्पन्न रुपये मर्यादाही ४८ हजार रुपयांवरून ५० हजार रुपये कमाल इतकी करण्यात आली आहे. समूह लोकपथकांचे मालक /निर्माते यांनी एकरकमी विशेष अनुदान पॅकेज मिळविताना सादर करण्याच्या कागदपत्रे व निवड पद्धतीत बदल करण्यात आले असल्याचेही मुनगंटीवार यांनी सांगितले. पर्यटन आणि सांस्कृतिक कार्य विभागाने याबाबत परिपत्रक काढले असून सदर परिपत्रक www.maharashtra.gov.in या संकेस्थळावर उपलब्ध आहे.