अभिनेते मोहन जोशी जोशी, दिग्दर्शक कुमार सोहनी सर्वश्रेष्ठ कलागौरव पुरस्काराने सन्मानित
मुंबई दि.०८ :- चंद्रशेखर सांडवे प्रतिष्ठानचा ‘सांस्कृतिक कलादर्पण’ पुरस्कार वितरण सोहळा नुकताच मुंबईत पार पडला. सोहळ्याचे यंदा रौप्य महोत्सवी वर्ष होते. ज्येष्ठ अभिनेते मोहन जोशी आणि दिग्दर्शक कुमार सोहोनी यांना ‘सर्वश्रेष्ठ कलागौरव पुरस्कारा’ने गौरविण्यात आले. चित्रपट, नाटक, मालिका, तंत्रज्ञ, पत्रकारिता, अशा विविध विभागातील मान्यवरांना सन्मानित करण्यात आले. चित्रपट विभागात ‘मदार’ चित्रपटाने बाजी मारली तर सर्वोत्कृष्ट अभिनेता म्हणून प्रसाद ओक ( धर्मवीर मु. पो. ठाणे), सर्वोत्कृष्ट अभिनेत्री म्हणून शिवाली परब ( प्रेम कथा धुमशान), अमृता अग्रवाल (मदार) यांना गौरविण्यात आले.
सांताक्रूझ येथे वृद्धाची हत्या
पिकासो, इंटरनॅशनल फालम फोक, वाळवी, ताठकणा, गावं आलं गोत्यात १५ लाख खात्यात, पांडू, बालभारती, टाइमपास ३, आता वेळ आली, शहीद भाई कोतवाल या चित्रपटांनाही विविध विभागात पुरस्कार देण्यात आले. नाट्य विभागात सर्वोत्कृष्ट दिग्दर्शक, सर्वोत्कृष्ट अभिनेता, सर्वोत्कृष्ट संगीत, सर्वोत्कृष्ट प्रकाश योजना, सर्वोत्कृष्ट नेपथ्य, सर्वोत्कृष्ट रंगभूषा, सर्वोत्कृष्ट वेशभूषा अशा विभागांत ‘सफरचंद’ या नाटकाला पुरस्कार मिळाले. चर्चा तर होणारच, कुर्र, पुनश्च हनिमून, वाकडी तिकडी, वुमन या नाटकांनाही विविध विभागांत पुरस्कार देण्यात आले.
मुंबई शहर आणि उपनगरात पाच नवीन अग्निशमन केंद्रे
टि. व्ही. मालिका विभागात संत गजानन शेगावीचे ( सन मराठी टि. व्ही)मालिकेने ‘सर्वोत्कृष्ट मालिके’चा मान मिळविला. लक्षवेधी मालिकेचा पुरस्कार ‘ठिपक्यांची रांगोळी'(स्टार प्रवाह) ला मिळाला आहे. सर्वोत्कृष्ट अभिनेता पुरस्कार शशांक केतकर (मुरंबा) आणि सर्वोत्कृष्ट अभिनेत्री पुरस्कार ज्ञानदा रामतीर्थकर (ठिपक्यांची रांगोळी) यांना मिळाला. तुमची मुलगी काय करते, बॉस माझी लाडाची यांनीही पुरस्कार पटकावले. तर पत्रकारिता विभागातही अनेकांना पुरस्कार देऊन गौरवण्यात आले. हा सोहळा लवकरच सन टि. व्ही. मराठीवर पाहायला मिळणार आहे.
