डोंबिवली: पुन्हा सजणार ‘पुस्तकांचा जादुई गालिचा’ — जागतिक पुस्तक दिनानिमित्त खास उपक्रम

डोंबिवलीतील वाचनप्रेमींसाठी पुन्हा एकदा आनंदाची बातमी आहे. ‘पै फ्रेंड्स लायब्ररी’च्या वतीने जागतिक पुस्तक दिनाचे औचित्य साधून एक खास उपक्रम शहरात पुन्हा एकदा साकार होणार आहे.

रविवार, २७ एप्रिल रोजी, पहाटे ५ ते सकाळी १० या वेळेत फडके रोडवर ३०० मीटरचा मुख्य रस्ता पुस्तकांनी सजणार आहे — जणू काही शब्दांनी विणलेला एक जादुई गालिचा!

गतवर्षीचा अनुभव अजूनही ताजा

गेल्या वर्षी या उपक्रमाने डोंबिवलीकर वाचकांच्या मनात एक खास स्थान निर्माण केलं होतं. टप्याटप्याने मांडलेली पुस्तकं, सकाळच्या कोवळ्या उन्हात चमकणारे मुखपृष्ठं, आणि पुस्तकांमध्ये हरवलेली माणसं — हे दृश्य आजही अनेकांच्या आठवणीत आहे.

समीर गुढे लिहितात, “तो दिवस केवळ पुस्तक निवडण्याचा नव्हता, तो होता वाचनप्रेमींना एकत्र आणणारा उत्सव. वाचकांनी शोधलेली पुस्तकं, आणि पुस्तकांनी शोधलेले वाचक — ही जादू त्या दिवशी अनुभवली.”

सर्व वयोगटासाठी खुले आणि विनामूल्य

या उपक्रमाचं वैशिष्ट्य म्हणजे कुठलीही नोंदणी किंवा अट-शर्ती नाहीत. जे आवडेल, जे मनाला भिडेल, ते पुस्तक आपण निवडावं आणि बिलकुल विनामूल्य घरी घेऊन जावं.

मुलं, तरुण, ज्येष्ठ — प्रत्येक वयोगटातील माणसं केवळ एकाच हेतूने इथे येतात: वाचनाची ओढ. गेल्या वर्षी एका लहान मुलीने निवडलेलं चित्रपुस्तक आणि तिच्या डोळ्यांतील आनंद अजूनही अनेकांच्या नजरेसमोर आहे.

केवळ उपक्रम नाही, तर आठवणींचा उत्सव

‘पै फ्रेंड्स लायब्ररी’चा हा उपक्रम म्हणजे केवळ पुस्तक वितरण नव्हे, तर वाचनसंस्कृतीचा साजशृंगार आहे. समाजाला वाचनाकडे वळवण्याचा आणि पुस्तकाशी नातं जपण्याचा एक सुंदर प्रयत्न.

तर डोंबिवलीकर वाचकांनो, चला पुन्हा एकदा त्या अनुभवाचा भाग होऊया — एकत्र वाचूया, एकत्र जगूया, आणि शब्दांनी पुन्हा नवा दिवस सजवूया.

कार्यक्रमाचा तपशील:
दिनांक: रविवार, २७ एप्रिल
वेळ: पहाटे ५ ते सकाळी १०
स्थळ: फडके रोड, डोंबिवली

 

साभार – समीर गुढे यांच्या फेसबुक वालवरुण