राज ठाकरेंना बाळासाहेब आठवले ‘नाव जपा…’
मुंबई दि.१८ :- सर्वोच्च न्यायालयापासून केंद्रीय निवडणूक आयोगापर्यंत शिवसेना कुणाची व धनुष्यबाणावर कुणाचा अधिकार यावर लढाई सुरू होती. अखेर केंद्रीय निवडणूक आयोगाने शिवसेना पक्षाचं नाव आणि चिन्ह शिंदे गटाला दिलं आहे. केंद्रीय निवडणूक आयोगाच्या या निर्णयावर महाराष्ट्र नवनिर्माण सेनेचे अध्यक्ष राज ठाकरे यांनी ट्विटरवर पहिली प्रतिक्रिया दिली.
मुख्यमंत्री एकनाथ शिंदे यांच्यासह शिंदे गटांच्या नेत्यांचे ‘ट्विटर’वर ‘धनुष्यबाण’ हे प्रोफाईल पिक्चर
बाळासाहेबांचा फोटो असलेला एक व्हिडिओ ट्वीटरवर शेअर केला. ‘नाव आणि पैसा. पैसा येतो, पैसा जातो, पुन्हा येतो… पण एकदा नाव गेलं की परत येत नाही. ते येऊ शकत नाही, काळ्या बाजारात सुद्धा मिळायचं नाही. म्हणून नावाला जपा, नाव मोठं करा.’ असा बाळासाहेब ठाकरेंच्या आवाजातला व्हिडिओ शेअर करत ‘बाळासाहेबांनी दिलेला ‘शिवसेना’ हा विचार किती अचूक होता ते आज पुन्हा एकदा कळलं….’, असं कॅप्शन राज ठाकरे यांनी या ट्वीटला दिलं आहे.
बाळासाहेबांनी दिलेला ‘शिवसेना’ हा विचार किती अचूक होता ते आज पुन्हा एकदा कळलं…. #शिवसेना #बाळासाहेब_ठाकरे #Legacy pic.twitter.com/FxO3wprUUF
— Raj Thackeray (@RajThackeray) February 17, 2023