ज्येष्ठ निरूपणकार आप्पासाहेब धर्माधिकारी यांना २०२२ चा ‘महाराष्ट्र भूषण’ पुरस्कार जाहीर
मुंबई दि.०८ :- ज्येष्ठ निरूपणकार आणि सामाजिक कार्यकर्ते आप्पासाहेब धर्माधिकारी यांना २०२२ चा ‘महाराष्ट्र भूषण’ पुरस्कार जाहीर झाला आहे. मुख्यमंत्री एकनाथ शिंदे यांनी बुधवारी ही घोषणा केली. महाराष्ट्र भूषण निवड समितीने केलेल्या शिफारशीवर मुख्यमंत्री व उपमुख्यमंत्री यांनी शिक्कामोर्तब केले. त्यानंतर बुधवारी रेवदंडा येथे मुख्यमंत्र्यांनी आप्पासाहेबांची भेटही घेतली.
गाथा नवनाथांची मालिकेत आता ‘भर्तरीनाथ’ यांची जन्मकहाणी सुरू होणार
या सामाजिक कार्याची सुरुवात त्यांचे वडील डॉ. नानासाहेब धर्माधिकारी यांनी १९४३ पासून केली होती आणि आज तेच कार्य आप्पासाहेब धर्माधिकारी करत आहेत. पद्मश्री दत्तात्रेय तथा आप्पासाहेब धर्माधिकारी गेली ३० वर्षे निरुपण करत असून, अंधश्रध्दा, बालमनावर संस्कार करण्यासाठी त्यांनी विशेष बालसंस्कार बैठका सुरु केल्या आणि आदिवासी वाडी, वस्त्यांवर व्यसनमुक्तीचे मोठे कार्यही केले आहे. डॉ. नानासाहेब धर्माधिकारी प्रतिष्ठानतर्फे अनेक प्रकारचे सामाजिक उपक्रमही राबविले जातात.
राज्याचा अर्थसंकल्प येत्या ९ मार्चला सादर होणार
अलीकडच्या काळात संस्थेने सर्वाधिक प्रमाणात वृक्षारोपण केले असून वृक्षसंवर्धन, तलाव व स्वच्छता अभियान, रक्तदान शिबिराचे आयोजनही करण्यात येते. गणेशोत्सव व नवरात्रौत्सवनंतर निर्माल्यातून खतनिर्मिती करून एक पर्यावरणपूरक संदेशही त्यांनी समाजाला दिला आहे. आप्पासाहेब धर्माधिकारी हे ‘स्वच्छतादूत’ म्हणूनही ओळखले जातात. रायगड जिल्ह्यातील रेवदंडामध्ये आप्पासाहेबांचे प्राथमिक ते माध्यमिक शिक्षण झाले. बालपणापासून त्यांना कीर्तन, भजन, अध्यात्मिक वाचन, मैदानी खेळ याची आवड आहे.