ठळक बातम्या

मुख्यमंत्री वैद्यकीय सहाय्यता कक्षातर्फे सहा महिन्यांत २ हजार ६०० रुग्णांना मदत

मुंबई दि.०४ :- मुख्यमंत्री वैद्यकीय सहाय्यता कक्षातर्फे सहा महिन्यांत २ हजार ६०० रुग्णांना एकूण १९ कोटी ४३ लाख रुपयांची मदत देण्यात आली आहे. मुख्यमंत्री एकनाथ शिंदे यांच्या मार्गदर्शनाखाली या कक्षाचे काम सुरू आहे.

पहिल्या जुलै महिन्यात १९४ रुग्णांना ८३ लाख रुपयांची मदत देण्यात आली. ऑगस्ट महिन्यात २७६ रुग्णांना १ कोटी ४० लाख, सप्टेंबर महिन्यात ३३६ रुग्णांना १ कोटी ९३ लाख, ऑक्टोबर महिन्यात २५६ रुग्णांना २ कोटी २१ लाख, नोव्हेंबर महिन्यात ५२७ रुग्णांना ४ कोटी ५० लाख तर डिसेंबर महिन्यात ८ कोटी ५२ लाख रुपयांची वैद्यकीय मदत देण्यात आली.

मुख्यमंत्री एकनाथ शिंदे यांच्या सूचनेनुसार मुख्यमंत्री सहाय्यता निधीच्या निकषात बदल करुन काही खर्चिक उपचार असणाऱ्या आजारांचा समावेश नव्याने करण्यात आला आहे. परिणामी नव्याने समाविष्ट या आजारांच्या अनेक रुग्णांना मदत उपलब्ध झाली, असे मुख्यमंत्री वैद्यकीय सहाय्यता कक्षाचे प्रमुख मंगेश चिवटे यांनी सांगितले.

Leave a Reply

Your email address will not be published. Required fields are marked *