अंबरनाथ गोळीबार प्रकरणी ३३ आरोपींना ‘मोक्का’

ठाणे दि.२२ :- अंबरनाथ (पूर्व) येथील आनंदनगर औद्योगिक वसाहतीच्या प्रवेशद्वारावर १३ नोव्हेंबर रोजी झालेल्या दोन गटातील गोळीबार प्रकरणी गुन्हा दाखल झालेल्या ३३ आरोपींना ‘मोक्का’ लावण्यात आला आहे.

बैलगाडा शर्यत प्रकरणावरून ही घटना घडली होती. बोहनोली गाव येथे आयोजीत बैलगाडा शर्यतीच्या चर्चेसाठी राहुल पाटील त्यांच्या सहकाऱ्यांसह खासगी वाहनातून जात असताना गुरुनाथ पंढरीनाथ फडके, पंढरीनाथ जगन फडके आणि त्यांच्या साथीदारांनी पाटील यांचे वाहन अडवून त्यांच्यावर गोळीबार केला होता.

गोळया झाडुन जीवे ठार मारण्याचा प्रयत्न करून फिर्यादीसोबत असलेल्या इतर वाहनांची मोडतोड केल्याप्रकरणी गुरूनाथ पंढरीनाथ फडके, पंढरीनाथ जगन फडके आणि त्यांच्या साथीदारांविरुध्द शिवाजीनगर पोलीस ठाण्यात गुन्हा दाखल करण्यात आला होता. या गुन्हयात एकुण १० आरोपींना अटक करण्यात आले होती तर २३ फरार होते.

Leave a Reply

Your email address will not be published.