‘मनसे’ अध्यक्ष आजपासून ठाणे, पालघर जिल्ह्यांच्या दौ-यावर
पक्ष कार्यालय उदघाटन, पदाधिकारी, कार्यकर्त्यांसोबत बैठक
मुंबई दि.१२ :- महाराष्ट्र नवनिर्माण सेनेचे अध्यक्ष राज ठाकरे आजपासून ठाणे आणि पालघर जिल्ह्यांच्या दौ-यावर आहेत. तीन दिवसांच्या या दौऱ्यात पक्ष कार्यालयांचे उदघाटन, पदाधिकारी, कार्यकर्ते यांच्यासह बैठका, पक्ष प्रवेश, प्रतिष्ठीत नागरिकांच्या भेटीगाठी आदि कार्यक्रमांचे नियोजन करण्यात आले आहे.
मुंबईकर आणि ठाणेकरांना शून्य सावलीचा अनुभव घेता येणार
या दौऱ्याच्यानिमित्ताने मनसे दोन्ही जिल्ह्यात जोरदार शक्ती प्रदर्शन करणार असून आगामी लोकसभा, विधानसभा आणि महापालिका निवडणुकांच्या पार्श्वभूमीवर राज ठाकरे यांचा हा दौरा महत्वाचा मानला जातो.
‘शासन आपल्या दारी’ राज्यस्तरीय अभियानाचा मुख्यमंत्री एकनाथ शिंदे यांच्या हस्ते उद्या शुभारंभ
मिरा-भाईंदर, वसई, विरार, नालासोपारा, भिवंडी, शहापूर, बदलापूर, अंबरनाथ, उल्हासनगर, कल्याण-डोंबिवली, नवी मुंबई आणि ठाणे शहर असा त्यांचा दौरा असणार आहे.
