पॉंडीचेरी , तमाशा लाईव्ह, सहेला रे प्लॅनेट मराठी ओटीटी’वर
मुंबई दि.२२ :- पॉंडीचेरी , तमाशा लाईव्ह, सहेला रे हे तीन वेगवेगळ्या विषयांवरील मराठी चित्रपट आता प्लॅनेट मराठी ओटीटी’वर पाहता येणार आहेत.
या तिन्ही चित्रपटांचे प्रस्तुतकर्ता अक्षय विलास बर्दापूरकर आणि प्लॅनेट मराठी आहेत. क्रिएटिव्ह वाईब प्रॉडक्शन्स प्रस्तुत ‘पॉंडीचेरी’ या चित्रपटाचे दिग्दर्शन सचिन कुंडलकर यांनी केले असून या चित्रपटात सई ताम्हणकर, अमृता खानविलकर, वैभव तत्ववादी, नीना कुळकर्णी यांच्या प्रमुख भूमिका आहेत.
धारावीतील कमला नगर झोपडपट्टीला लागलेल्या आगीत साठ झोपड्या जळून खाक
‘सहेला रे’ या चित्रपटाचे दिग्दर्शन मृणाल कुलकर्णी यांनी केले असून या चित्रपटात मृणाल कुलकर्णी, सुबोध भावे आणि सुमित राघवन यांच्या प्रमुख भूमिका आहेत. संजय जाधव दिग्दर्शित ‘तमाशा लाईव्ह’ या चित्रपटात सोनाली कुलकर्णी, सचित पाटील, सिद्धार्थ जाधव आणि हेमांगी कवी हे कलाकार प्रमुख भूमिकेत आहेत.
ज्येष्ठ अर्थतज्ञ चन्द्रशेखर टिळक यांची तीन दिवसांची व्याख्यानमाला
स्मार्टफोनवर चित्रित होऊन चित्रपटगृहात प्रदर्शित होणारा ‘पॉंडीचेरी’ हा भारतातातील पहिला चित्रपट आहे. पत्रकारांची ‘ब्रेकिंग न्यूज’साठीची पळापळ, एकमेकांबद्दल असलेली ईर्षा ‘तमाशा लाईव्ह’ चित्रपटात सादर करण्यात आली आहे. तर आयुष्यात कौटुंबिक जबाबदाऱ्या पार पाडताना एकमेकांना गृहीत धरत नात्यातील हरवून गेलेला गोडवा पुन्हा मिळवण्यासाठीची ‘ती’ची धडपड ‘सहेला रे’ मध्ये पाहायला मिळते. प्लॅनेट मराठीचे ज्यांचे सबस्क्रिप्शन आहे त्यांना हे चित्रपट पाहता येतीलच. याव्यतिरिक्त हे चित्रपट व्हिडिओ ॲान डिमांड अंतर्गत असल्याने एक ठराविक रक्कम भरूनही पाहता येणार आहेत.