मुंबई दि.२१ :- मुंबई-पुणे द्रुतगती महामार्गावर आज सकाळी कंटेनर आणि मोटारगाडीच्या झालेल्या अपघातात एका महिलेसह दोन जण जागीच ठार झाले. पुण्याच्या दिशेने भरधाव वेगात जाणाऱ्या कंटेनरने स्विफ्ट डिझायर गाडीला जोरदार धडक दिली.
मोटार गाडीतील इतर चार महिला गंभीर जखमी झाल्या आहेत. त्यांना उपचारासाठी रुग्णालयात दाखल करण्यात आले आहे. अपघात झाल्यानंतर कंटेनर रस्त्यावर आडवा झाल्यामुळे मोठ्या प्रमाणात वाहतूक कोंडी झाली होती.
