छत्रपती शिवाजी महाराज यांच्यावरील टपाल तिकिटाचे उद्या प्रकाशन

मुंबई, दि. ५
छत्रपती शिवाजी महाराज यांच्या राज्याभिषेकाच्या ३५० व्या वर्षानिमित्त महाराष्ट्र शासन आणि भारतीय टपाल विभागाच्या संयुक्त विद्यमाने विशेष टपाल तिकीट काढण्यात येणार आहे. उद्या (६ जून) राज्यपाल रमेश बैस यांच्या हस्ते या टपाल तिकिटाचे प्रकाशन करण्यात येणार आहे.

राजभवन येथील दरबार हॉलमध्ये होणा-या या कार्यक्रमास मुख्यमंत्री एकनाथ शिंदे, उपमुख्यमंत्री देवेंद्र फडणवीस, सांस्कृतिक कार्य मंत्री सुधीर मुनगंटीवार, पर्यटन मंत्री मंगलप्रभात लोढा, शिक्षण व मराठी भाषा मंत्री दीपक केसरकर, पोस्ट मास्टर जनरल स्वाती पांडे, प्रधान सचिव विकास खारगे, राज्यपालांचे सचिव संतोषकुमार उपस्थित राहणार आहेत.

छत्रपती शिवाजी महाराज’ हा आमच्यासाठी चेतनेचा संचार करणारा प्रेरणामंत्र आहे, असे मुनगंटीवार यांनी सांगितले.
——-