बेलापूर ते पेंधर मार्गावर उद्यापासून नवी मुंबई मेट्रो सुरू

मुंबई दि.१७ :- बहुचर्चित आणि बहुप्रतिक्षित नवी मुंबई मेट्रो अखेर उद्यापासून (शुक्रवार) नवी मुंबईकरांच्या सेवेत दाखल होणार आहे. बेलापूर ते पेंधर असा पहिला टप्पा शुक्रवारपासून सुरु होणार असून बेलापूर ते पेंधरचा हा मार्ग ११ किलोमीटर आहे.

प्रदूषण नियंत्रण प्रमाणपत्र (पीयूसी) तपासणी मोहिमेत ८२ वाहनचालकांकडून ८३ हजार रुपयांचा दंड वसूल

पेंधर ते बेलापूर या स्थानकांदरम्यान सकाळी ६ वाजता पहिली मेट्रो धावणार आहे तर दोन्ही बाजूंची पहिली मेट्रो फेरी रात्री १० वाजता असणार आहे.
मेट्रोचे तिकिट दर ० ते २ किलोमीटर टप्प्यासाठी १० रुपये

दिवाळी सुट्टीत एसटीला ३२८ कोटी ४० रुपयांचा महसूल

२ ते ४ किलोमीटर टप्प्यासाठी १५ रुपये, ४ ते ६ किलोमीटर टप्प्यासाठी २० रुपये, ६ ते ८ किलोमीटरसाठी २५ रुपये, ८ ते १० किलोमीटरसाठी ३० रुपये आणि त्यापुढील टप्प्यासाठी ४० रुपये असणार आहे. मुख्यमंत्री एकनाथ शिंदे यांनी अध्यादेश काढून ही माहिती दिली आहे.

सरकारला वेळ नसेल तर नवी मुंबई मेट्रोचे उदघाटन आम्ही करू- विजय वडेट्टीवार

मुंबई, दि. २५
नवी मुंबई मेट्रोचे लोकार्पण तीन वेळा रद्द करण्यात आले आहे. पंतप्रधानांना वेळ मिळत नसल्याचे कारण दाखवत सरकार जनसेवेची कामे रखडवत आहे. केवळ निवडणुकीच्या तोंडावर लोकार्पण करण्यासाठी सरकारचा हा पोर खेळ सुरू आहे.

सरकारला वेळ मिळत नसेल तर नवी मुंबई मेट्रोचे उदघाटन आम्ही करू, असा इशारा विधानसभेतील विरोधी पक्षनेते विजय वडेट्टीवार यांनी दिला आहे.

सरकारने स्वत:ची पाठ थोपटून घेण्यासाठी न केलेल्या कामांच्या उदघाटनाचा धडाका लावला आहे. या सरकारला हा नैतिक अधिकार कोणी दिला? असा प्रश्नही वडेट्टीवार यांनी उपस्थित केला.

आघाडी सरकारच्या काळात मेट्रो प्रकल्पांची मूहूर्तमेढ रोवली. त्यानंतर १२ वर्षे नवी मुंबईकरांनी मेट्रोची वाट पाहिली. १३, १४ आणि त्यानंतर १७ ऑक्टोबर अशा तीन तारखा निश्चित करण्यात आल्या होत्या. पण सरकारने नवी मुंबईकरांची दिशाभूल केली असल्याचे स्पष्ट झाले, असेही वडेट्टीवार म्हणाले.