मुंबई, दि. २३
मुंबईला पाणीपुरवठा करणाऱ्या तलावात राखीव साठ्यासह १२.७३ टक्के पाणीसाठा उपलब्ध आहे. हा पाणीसाठा
केवळ ३६ दिवस पुरेल इतकाच असून आता मुसळधार पावसाची प्रतीक्षा आहे.
मुंबईला दररोज ३ हजार ८०० दशलक्ष लिटर पाणीपुरवठा केला जातो. उर्ध्व वैतरणा, मोडक सागर, तानसा, मध्य वैतरणा, भातसा, विहार, तुळशी या तलावातून मुंबईकरांना पाणीपुरवठा केला जातो. भातसा व उर्ध्व वैतरणा धरणातील राखीव साठा वापरण्यास राज्य सरकारने परवानगी दिली आहे.
शिल्लक पाणीसाठा जुलै महिन्यापर्यंत पुरणार आहे. जून महिना संपायला काही दिवस राहिले आहेत. लवकरात लवकर जोरदार पाऊस सुरू झाला नाही तर पाणीकपात केली जाण्याची शक्यता आहे.
——–
