आधारवाडी तुरुंग अधिकाऱ्यांच्या केबिन मध्ये कैद्याचा गोंधळ ; केबिनच्या काचा फोडल्या
डोंबिवली दि.२४ – तळोजा जेल मध्ये का पाठवता असे बोलून एका कैद्याने आधारवाडी तुरुंग अधिकाऱ्यांच्या केबिन मध्ये गोंधळ घालत हाताचे ठोशे मारुन काचा फोडल्याची घटना आधारवाडी कारागृहात घडली. या प्रकरणी बाजारपेठ पोलीस स्थानकात नारायण रेड्डी या कैद्या विरोधात गुन्हा दाखल करण्यात आला आहे. कल्याण पश्चिम येथील आधारवाडी कारागृहात नारायण रेड्डी हा कैदी शिक्षा भोगत आहे.
काल सकाळी दहा वाजण्याच्या सुमारास तुरुंग सुभेदार संतोष सालेकर यांनी नारायण रेड्डी याला तुला तळोजा येथे नेण्यासाठी पोलीस पार्टी येत आहे. तू येथे थांब असे सांगत तुरुंग अधिकाऱ्यांच्या केबिन मध्ये बसवले.. काही वेळ रेड्डी शांत बसला मात्र अचानक आक्रमक होत. रेड्डी याने मला तळोजा जेल ला का पाठवता असे विचारात केबिनच्या काचेवर ठोशाने मारले. त्यामुळे केबिनच्या काचा फुटल्या या प्रकरणी बाजार पेठ पोलीस स्थानकात नारायण रेड्डी यांच्या विरोधात गुन्हा दाखल करन्यात आला आहे.
