नीती आयोगाच्या अटल नाविन्यता अभियानाद्वारे अटल टिंकरिंग लॅब पुस्तिकेचे प्रकाशन

नवी दिल्ली, दि.११ – नीती आयोगाच्या अटल नाविन्यता अभियानाद्वारे, राष्ट्रीय युवा दिनाच्या पूर्वसंध्येला ‘नई दिशाए, नये निर्माण, नया भारत’ या अटल टिंकरिंग लॅब पुस्तिकेचे प्रकाशन करण्यात आले. स्वामी विवेकानंद यांची जयंती राष्ट्रीय युवा दिन म्हणून साजरी केली जाते. या युवा दिनाचे औचित्य साधून देशभरात नाविन्यता, कल्पकता जोमाने बहरावी यासाठी पुस्तिका काढण्यात आली आहे. नीती आयोगाचे मुख्य कार्यकारी अधिकारी अमिताभ कांत यांच्या हस्ते या पुस्तिकेचे प्रकाशन करण्यात आले.

हेही वाचा :- देशात पुरेसा पाणीसाठा उपलब्ध, प्रभावी जल व्यवस्थापन महत्वाचा घटक

यावेळी 10 महिन्यांच्या विद्यार्थी उद्योजकता कार्यक्रमाची घोषणाही करण्यात आली. अटल टिंकरिंग मॅरेथॉन 2017 मधल्या सर्वोच्च सहा नाविन्यपूर्ण आणि कल्पक उपक्रमांना मूर्त स्वरुप मिळावे आणि हे उत्पादन बाजारात येण्यासाठी मदत व्हावी या उद्देशाने निधीचं पूर्ण पाठबळ लाभलेला हा विद्यार्थी उद्योजकता कार्यक्रम राबवण्यात येणार आहे. अटल टिंकरिंग लॅब पुस्तिकेत, देशाच्या युवा संशोधकांचे अटल टिंकरिंग लॅब समवेतचे अनुभव मांडण्यात आले आहेत.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email