#MeToo नाना तसं काही करणार नाहीत : महाराष्ट्र नवनिर्माण सेनेचे अध्यक्ष राज ठाकरे

मुंबई दि.२२ – ‘हॉर्न ओके प्लीज’ या चित्रपटाच्या सेटवर नानांनी आपल्याशी असभ्य वर्तन केल्याचा आरोप अभिनेत्री तनुश्री दत्ता हिनं केला होता. तनुश्रीनं मनसेलाही या वादात ओढलं होतं. मनसेकडून या आरोपांना फारसं महत्त्व देण्यात आलं नव्हतं. राज ठाकरे यांनी प्रथमच या प्रकरणावर भाष्य करताना नानांवर विश्वास व्यक्त केला. ‘नाना पाटेकर यांना मी ओळखतो. ते थोडे गावरान, बिनधास्त आहेत. कधी-कधी विचित्र वागतात, हे खरं आहे. पण महिलांच्या बाबतीत ते काही चुकीचं करणार नाहीत,’ अशी सावध प्रतिक्रिया महाराष्ट्र नवनिर्माण सेनेचे अध्यक्ष राज ठाकरे यांनी अभिनेते नाना पाटेकर यांच्यावरील आरोपांवर दिली आहे.

‘#MeToo हा अत्यंत गंभीर विषय आहे. ट्विटरवर यांची चर्चा होणं योग्य नाही,’ असं राज म्हणाले. ‘जेव्हा अन्याय, अत्याचार होईल, त्याच वेळी महिलांनी आवाज उठवला पाहिजे. दहा वर्षांनी नाही, असा अप्रत्यक्ष टोलाही राज यांनी कुणाचंही नाव न घेता हाणला. ‘एखाद्या महिलेला काही आक्षेपार्ह गोष्टींचा सामना करावा लागत असेल तर तिनं मनसेशी संपर्क साधावा,’ असं आवाहनही त्यांनी केलं.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email