कोपरी पुलावर गर्डर टाकण्याच्या कामामुळे वाहतुकीत बदल

ठाणे दि.१७ :- मुंबई-ठाणे दरम्यान कोपरी पुलावर गर्डर टाकण्याचे शनिवारी, १९ नोव्हेंबर रोजी मध्यरात्री ११ ते रविवारी पहाटे ६ वाजेपर्यंत आणि रविवारी रात्री ११ ते सोमवार पहाटे ६ वाजेपर्यंत केले जाणार आहे. त्यामुळे नाशिक-मुंबई आणि मुंबई-नाशिक या दोन्ही मार्गिकांवरील वाहतूक पर्यायी मार्गाने वळवण्यात आली आहे. त्यामुळे वाहनचालकांनी पर्यायी मार्गांचा अवलंब करावा, असे आवाहन वाहतूक पोलिसांकडून करण्यात आले.

नाशिक-मुंबई महामार्गाने ठाणे शहरातून मुंबई पूर्व द्रुतगती महामार्गाने जाणाऱ्या जड-अवजड वाहनांना खारेगाव टोलनाका येथे प्रवेश बंद करण्यात येणार आहे. ही वाहने खारेगाव टोलनाका येथून डावीकडे वळण घेऊन गॅमन चौक-पारसिक रेतीबंदर, मुंब्रा बायपास मार्ग शिळफाटा उजवीकडे वळण घेऊन महापे मार्गे रबाळे-ऐरोली पुलाकडे जातील.

घोडबंदर मार्गाने ठाणे शहरातून मुंबईकडे जाणाऱ्या जड-अवजड वाहनांना माजीवडा पुलावर उजवे वळण घेऊन गोल्डन क्रॉस माजिवाडा पुलाखाली प्रवेश बंद करून ही वाहने तत्त्वज्ञान सिग्नल पुढे माजीवडा पुलावरून खारेगाव टोलनाका येथून डावीकडे वळण घेऊन गॅमन चौक-पारसिक रेती बंदर-मुंब्रा बायपास शिळफाटा उजवीकडे वळण घेऊन महापेमार्गे रबाळे-ऐरोली पुलामार्गे मुंबईकडे जातील.

हलक्या वाहनांसाठी पर्यायी मार्ग

नाशिक – घोडबंदरकडून मुंबईकडे जाणाऱ्या हलक्या वाहनांना तीन हात नाका येथे प्रवेश बंद करण्यात येणार आहे. यातील नाशिककडून येणारी वाहने साकेतकडून क्रिक नाका, शिवाजी चौकातून ठाणे-बेलापूर मार्गावर वळवण्यात येतील.

ठाण्यातून मुंबईकडे जाणारी हलकी वाहने जी. पी. कार्यालय, ठाणे जिल्हा मध्यवर्ती कारागृह रोडने क्रिक रोडमार्गे ठाणे – बेलापूर रस्त्यावर वळवण्यात येतील. घोडबंदरकडील वाहने मॉडेला चेकनाकामार्गे मुंबईत जातील.

घोडबंदर रोडने व ठाणे शहरातून मुंबईकडे जाणारी वाहने तीन हात नाका, तुळजाभवानी मंदिर कट, सर्व्हिस रोडने कोपरी पूल, कोपरी सर्कल, बाराबंगला, फॉरेस्ट ऑफिस येथून मॉ. बाल निकेतन स्कूल आनंदनगर चेक नाकामार्गे मुंबईकडे जातील.

Leave a Reply

Your email address will not be published.