तालिबानशी संबंधित व्यक्ती मुंबईवर हल्ला करणार असल्याचा ई मेल प्राप्त
मुंबई दि.०३ :- मुंबईवर तालिबानशी संबंधित व्यक्ती हल्ला करणार असल्याचा ई-मेल राष्ट्रीय तपास संस्थेला (एनआयए) प्राप्त झाला असून या हल्ल्याची माहिती मुंबई पोलीस व दहशतवाद विरोधी पथकाला देण्यात आली आहे. एनआयएने गुरुवारी मुंबई पोलिसांना ई-मेल पाठवून याबाबतची माहिती दिल्याचे सूत्रांनी सांगितले.
मुंबई, नवी मुंबई, ठाणे आणि कल्याण औद्योगिक क्षेत्रे जानेवारी महिन्यात प्रदूषणग्रस्त
ई-मेलमध्ये ‘सीआयए’चा अधिकारी असल्याचे भासविण्यात आले आहे. याआधी मुंबई पोलिसांच्या वाहतूक नियंत्रण कक्षाला पाकिस्तानातील एका क्रमांकावरुन २६/११ सारखा भीषण दहशतवादी हल्ला होणार असल्याचा संदेश आला होता. मुंबई वाहतूक पोलिसांच्या नियंत्रण कक्षाला एका अनोळखी क्रमांकावरून संदेश प्राप्त झाला होता.
सांताक्रुझ येथील एका व्यक्तीला घातपाताच्या धमकीचा व्हिडिओ कॉल आला होता. अशा घटनांमुळे सुरक्षा यंत्रणांवर ताण येत आहे. या ई – मेलमध्ये अफगाणीस्थानचे नेते सिराजुद्दीन हक्कानीच्या नावाचाही उल्लेख करण्यात आला आहे. अमेरिकन यंत्रणा सीआयएकडून संदेश आल्याचे भासवण्यात आले आहे. त्यामुळे हा खोडसाळपणा असण्याची शक्यता अधिकाऱ्यांनी व्यक्त केली.