दादर माटुंगा सांस्कृतिक केंद्राचे वार्षिक पुरस्कार जाहीर येत्या २८ जानेवारीला पुरस्कार वितरण
मुंबई दि.२१ :- दादर माटुंगा सांस्कृतिक केंद्रातर्फे देण्यात येणारे वार्षिक पुरस्कार जाहीर करण्यात आले आहेत. संगीत, नाटक, साहित्य अशा विविध क्षेत्रांत विशेष उल्लेखनीय कामगिरी करणाऱ्या कलाकारांना पुरस्कार देऊन गौरविण्यात येते. पुरस्कार प्रदान सोहळा येत्या २८ जानेवारी रोजी सकाळी अकरा वाजता केंद्राच्या सभागृहात आयोजित करण्यात आला आहे.
थंडीचा कडाका कमी होण्याची शक्यता
जाहीर झालेले पुरस्कार असे –
संगीत शिक्षक जीवन गौरव पुरस्कार – श्री. कृ. जोशी (अच्युत जोशी), संगीत क्षेत्रातील ज्येष्ठ कलावंत – डॉ. विजया टिळक, उत्कृष्ट नाट्य दिग्दर्शक – अतुल पेठे, ज्येष्ठ आणि श्रेष्ठ अभिनेत्री – निवेदिता जोशी-सराफ, उत्कृष्ट समीक्षक – राजीव जोशी, उत्कृष्ट आईच्या भूमिकेसाठी – मधुराणी प्रभुलकर, संगीत नाट्य क्षेत्रातील उत्कृष्ट उदयोन्मुख अभिनेत्री – प्राची जठार, संगीत विशारद परिक्षेत दादर व माहीम विभागातून प्रथम क्रमांक प्राप्त – अमृता गोगटे. या कार्यक्रमास अधिकाधिक सदस्य तसेच रसिकांनी उपस्थित राहावे, असे आवाहन दादर माटुंगा सांस्कृतिक केंद्रातर्फे करण्यात आले आहे.