बुलडाणा मलकापूर जवळ मॅक्झीमो गाडीतील एक्सीडेंट मध्ये १३ प्रवासी जागीच ठार, तर ३ जण गंभीर

(म विजय)

मलकापूर येथून अनुराबाद-झोडगा येथे प्रवासी घेवून जाणाऱ्या महिंद्रा मॅक्झीमो गाडी भरधाव ट्रकखाली चिरडल्याने झालेल्या भीषण अपघातात मॅक्झीमो गाडीतील १३ प्रवासी जागीच ठार तर ३ जण गंभीर जखमी झाले आहेत. आज दुपारी २.३० वाजेच्या सुमारास राष्ट्रीय महामार्ग क्रमांक ६ वर मलकापूर शहरापासून जवळच असलेल्या रसोया कंपनीसमोर हा अपघात घडला.
दुपारी मलकापूर येथून अनुराबाद-झोडगाकडे प्रवासी वाहतूक करणाऱ्या महिंद्रा मॅक्झीमो (गाडी क्र. एम.एच.४६ एक्स ७९२५) या गाडीतून १५ प्रवासी निघाले होते. दरम्यान रसोया कंपनीजवळ मुक्ताईनगरकडून अकोलाकडे जाणाऱ्या ट्रकचे (एम.एच. ४० बी.जी ९११२) समोरचे टायर फुटल्याने चालकाचा ट्रकवरील ताबा सुटला आणि ट्रकने महिंद्रा मॅक्झीमो गाडीला चिरडले. या विचित्र अपघातात मॅक्झीमोचालक अनिल मुकुंद ढगे (वय ४०) रा.अनुराबाद, छाया गजानन खडसे (वय ३७) रा.अनुराबाद, अशोक लहू फिरके (वय ५५) रा. अनुराबाद, नथ्थू वामन चौधरी (वय ४५) रा. अनुराबाद, आरती, रेखा, सोयीबाई छगन शिवरकर (वय २९) रा. नागझरी, बऱ्हाणपूर, विरेन ब्रिजलाल मिळवतकर (वय ७) रा. नागझरी बऱ्हाणपूर, सतीष छागन शिवरकर (वय ३), मीनाबाई बिलोरकर, किसन सुखदेव बोराडे रा. अनुराबाद, प्रकाश भारंबे रा. जामनेर रोड भुसावळ, मेघा प्रकाश भारंबे असे १३ जण जागीच ठार झाले तर गोकुळ भालचंद्र भिलवसकर (वय ३०) रा. नागझरी जि. बऱ्हाणपूर, छगन राजू शिवरकर (वय २६) रा. नागझरी जि. बऱ्हाणपूर, रोहीत नथ्थू चौधरी रा.अनुराबाद हे तिघे गंभीर जखमी झाले आहेत.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email