मुंबई विमानतळावर सहा कोटी रुपयांचे १० किलो सोने जप्त
मुंबई, दि. ५
महसूल गुप्तचर संचालनालयाच्या मुंबई विभागाने दोन वेगवेगळ्या घटनांमध्ये १० किलो सोने जप्त केले. याची किंमत ६.२ कोटी रुपये इतकी आहे. या प्रकरणी चार प्रवाशांना अटक करण्यात आली आहे.
शारजाहून मुंबईत आलेल्या दोन प्रवाशांची तपासणी केल्यावर अंगाभोवती गुंडाळलेल्या कपड्यांमध्ये ८ किलो वजनाचे २४ कॅरेटचे परदेशी शिक्का असलेले सोन्याचे ८ बार सापडले.
अन्य एका प्रकरणात दुबईवरून आलेल्या एका भारतीय नागरिकाला छत्रपती शिवाजी महाराज आंतरराष्ट्रीय विमानतळावर चौकशीसाठी थांबविण्यात आले. त्यांच्याकडून ५६ पर्स जप्त करण्यात आल्या.
चंदेरी रंगाच्या धातूच्या तारांच्या स्वरुपात हे २४ कॅरेट सोने लपविण्यात आले होते. जप्त करण्यात आलेल्या सोन्याच्या तारांचे वजन २००५ ग्रॅम होते. याची किंमत सुमारे १ कोटी २३ लाख ८० हजार इतकी आहे.
—–
