सासु-सुनेच्या नात्यात विस्तव जात नाही म्हणतात सासुने दिली सुनेला किडनी!

सासु-सुनेच्या भांडणावर वाहिन्यांच्या मालिकांना टीआरपी मिळतो.. पण राजस्थानमधल्या एका सासुने या नात्याच्या तिखटपणाला लाजवेल असा गोडवा आपल्या कृतीतून दाखवून दिला आहे. या सासुबाईंनी आपल्या सुनेला आपली किडनी देऊन जीवदान दिले आहे. विशेष म्हणजे या सुनेच्या आईने स्वत:च्या मुलीला किडनी देण्यास नकार दिला! राजस्थानातील बाडमेर जिल्ह्यातल्या गांधी नगरमध्ये राहणाऱ्या गनी देवी (६०) यांनी आपली सून सोनिका (३२) हिला आपली किडनी देण्याचा निर्णय घेतला.

सोनिकाच्या दोन्ही किडन्या निकामी झाल्याने गेले वर्षभर ती डायलिसीसवर जगत होती. किडनी ट्रान्सप्लान्ट हा एकमेव पर्याय सोनिकाकडे होता. तिने आपल्या आई भवरी देवीशी संपर्क साधला, पण त्यांनी तिला किडनी देण्यास नकार दिला. भाऊ, वडीलांनीही किडनी दानाला नकार दिला, तेव्हा तिची सासू तिला आपली किडनी देण्यास तयार झाली. १३ सप्टेंबरला हे ऑपरेशन झालं. तिची तब्येत आता ठणठणीत आहे.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email