विधानसभेसाठी गिरीश बापटांना मनसेच्या रुपाली पाटिल यांचं कडवं आव्हान

पुणे – मनसेच्या महिला आघाडी शहराध्यक्षा रूपाली पाटील-ठोंबरे यांना मनसेकडून कसबा विधानसभा मतदारसंघातून निवडणुकीची तयारी करण्याच्या सूचना पक्षाकडून देण्यात आल्या आहेत. त्यामुळे कसबा विधानसभा मतदारसंघातून त्या थेट भाजपच्या गिरीश बापटांना तसेच मनसेतून काँग्रेसमध्ये गेलेल्या रवींद्र धंगेकरांना आव्हान देतील.

आगामी निवडणुकीत त्या मनसे सोडून गेलेल्या रवींद्र धंगेकरांना सुद्धा धडा शिकवतील असं बोललं जात आहे. काही दिवसांपूर्वीच त्यांची नियुक्ती महाराष्ट्र नवनिर्माण सेनेच्या महिला आघाडी शहराध्यक्षपदी करण्यात आली असून त्यांना निवडणुकीच्या तयारीला लागण्याच्या सूचना देण्यात आल्या आहेत.

रूपाली पाटील-ठोंबरे या पुण्यातील मनसेच्या आक्रमक महिला नेत्या म्हणून सर्वश्रुत आहेत. त्यांच्या त्या आक्रमक स्वभावाचा फायदा पक्षाला होईल असं पक्ष नेतृत्वाला वाटतं त्यामुळेच त्यांना तशा सूचना देणार आल्या आहेत. कसबा मतदार संघातून पालकमंत्री गिरीश बापट हे विद्यमान आमदार आहेत असून ते गेली ५ वेळा येथे निवडून येत आहेत.

कसबा विधानसभा मतदारसंघातून काँग्रेसचे रवींद्र धंगेकर यांचं नाव आघाडीवर असून ते मनसेतून काँग्रेसमध्ये गेले होते. त्यांनी मागील निवडणुकीत भाजपच्या गिरीश बापटांना कडवी टक्कर दिली होती. भाजपचे गिरीश बापट आणि रवींद्र धंगेकर यांच्यातील मत विभागणीचा फायदा मनसेच्या रूपाली पाटील-ठोंबरे यांना सुद्धा होऊ शकतो असं बोललं जात असलं तरी रूपाली पाटील-ठोंबरे या सुद्धा इथे कडवं आव्हान उभं करतील असं पक्षाच मत आहे. त्यामुळे आगामी काळात पुण्यातील कसाब विधानसभा मतदारसंघात धक्कादायक निकाल सुद्धा पाहावयास मिळू शकतात.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email