लोकसभा निवडणूक स्वबळावर…..दानवे

(श्रीराम कांदु)

आगामी लोकसभा निवडणूक स्वबळावर लढणार, असे संकेत देत भारतीय जनता पक्षाचे प्रदेशाध्यक्ष, खासदार रावसाहेब दानवे यांनी संघटन अधिक मजबूत करा, कामाला लागा, अशी सूचना कार्यकर्त्यांना केली. भाजपच्या मराठवाड्यातील पदाधिकाऱ्यांची आढावा बैठक शुक्रवारी भानुदास चव्हाण सभागृहात प्रदेशाध्यक्ष दानवे यांच्या प्रमुख उपस्थितीत झाली. त्याप्रसंगी त्यांनी हे विधान केल्याचे सूत्रांनी सांगितले.

कार्यकर्त्यांनी संवाद साधताना प्रदेशाध्यक्ष दानवे यांनी लोकसभा व विधानसभा निवडणूक एकाच वेळी होईल किंवा नाही, हे सांगता येत नाही, पण लोकसभा स्वबळावरच लढविल्या जाईल, असे संकेत दिले. निवडणूक गांभिर्याने घेत त्यासाठी आतापासूनच कामाला लागा, संघटन बांधणीवर भर देत बुथ यंत्रणा अधिक सक्षम करा, असे निर्देश कार्यकर्त्यांना दिल्याचे सूत्रांनी सांगितले. दरम्यान, या बैठकीत प्रामुख्याने जिल्ह्यात संघटनात्मक पातळीवर झालेल्या कामाचा आढावा घेण्यात आला. बुथनिहाय रचना कशी झाली आहे, दिलेल्या कार्यक्रमानुसार पदाधिकाऱ्यांनी कामे केली किंवा नाहीत, यावर अधिक भर देण्यात आल्याचे सूत्रांनी सांगितले.
काँग्रेसचे माजी नेते नारायण राणे यांच्या राजीनाम्यामुळे विधान परिषदेची जागा रिक्त झाली आहे. त्यासाठी उमेदवार ठरविण्याबाबत शिवसेनेचा दबाव विचारात घ्यावा लागेल का, असा प्रश्न पत्रकारांनी उपस्थित केला असता दानवे यांनी भाजप हा कोणाच्या दबावाखाली येणारा पक्ष नाही. शिवसेनेला त्याचा उमेदवार ठरविण्याचा अधिकार आहे. आमच्या पक्षाचे निर्णय कोणाच्या दबावाखाली होत नाहीत, असे त्यांनी स्पष्ट केले.
Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email