राष्ट्रवादी काँग्रेस पार्टीचा हल्लाबोल आंदोलन

(जय दूबे)

गेल्या तीन वर्षांपासून सत्तेवर आलेले भाजप-शिवसेना सरकार सर्वच आघाड्यांवर पूर्णतः अपयशी ठरले आहे.नुसती पोकळ आश्वासने देऊन राज्याच्या जनतेची व शेतकऱ्यांची फसवणूक केली आहे. राज्यातील शेतकरी, कष्टकरी, कामगार,व्यापारी,शिक्षक,डाॕक्टर, महिला वर्ग,विद्यार्थी,जेष्ठ नागरिक, दिव्यांग, ग्राहक अशा सर्वच घटकांमध्ये या सरकारबद्दल तीव्र असंतोष निर्माण झाला आहे. केंद्रातील सरकारच्या नोटबंदी व जी.एस.टी.निर्णयामुळे राज्याची अर्थव्यवस्था पूर्णपणे कोलमडली आहे. पेट्रोल,डिझेल व गॅस दरवाढीमुळे महागाईचा भस्मासुर माजला असून सामान्य जनता  हवालदिल झाली आहे. राज्याच्या जनतेच्या हिताचे  निर्णय न घेता सरकार नुसती फसवी जाहिरातबाजी करत आहे.

या राज्य सरकारच्या अनागोंदी आणि जन विरोधी कारभाराचा निषेध म्हणून बुधवार दि. 29/11/2017 रोजी सकाळी 11 वा. शंकरराव चौक, कल्याण-डोंबिवली महापालीका मुख्यालया समोर,कल्याण (प.) येथून मोर्चाने शिवाजी चौक-महम्मदअली चौक-नेहरु चौक-स्टेशन रोड मार्गे कल्याण तहसिल कार्यालय पर्यंत हल्लाबोल आंदोलन करण्यात येणार आहे.

सदर आंदोलन जिल्हाध्यक्ष रमेश हनुमंते यांच्या नेतृत्वाखाली होणार आहे.सदर आंदोलनाला माजी पालकमंत्री व जिल्हाप्रभारी मा.गणेश नाईक प्रदेश उपाध्यक्ष  *मा.प्रमोद हिंदूराव,प्रदेश सरचिटणीस व माजी खासदार मा.संजीव नाईक,माजी मंत्री मा.जितेंद्र आव्हाड, प्रदेश सरचिटणीस तथा जिल्हा निरिक्षक मा.रविंद्र पवार,आमदार मा.जगन्नाथ शिंदे,आमदार मा.निरंजन डावखरे आणि माजी खासदार मा.आनंद परांजपे इत्यादी मान्यवर मंडळी उपस्थित राहणार आहेत.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email