महाराष्ट्र नवनिर्माण सेनेचे अध्यक्ष राज ठाकरे हे उत्तम व्यंगचित्रकार म्हणून प्रसिद्ध

मुंबई – महाराष्ट्र नवनिर्माण सेनेचे अध्यक्ष राज ठाकरे हे उत्तम व्यंगचित्रकार म्हणून प्रसिद्ध आहेत. विशिष्ठ विषयाला अनुसरून आणि अचूक संदर्भ जोडून सत्ताधाऱ्यांना मागील अनेक दिवसांपासून वेगवेगळ्या मुद्यांवरून हैराण करून सोडलं आहे. विशेष म्हणजे प्रसार माध्यमं आणि समाज माध्यमांवर त्यांना उत्तम प्रतिसाद मिळत असल्याने सत्ताधारी भाजपची चांगलीच तारांबळ उडत आहे.
त्यात मोदी आणि अमित शहा व्यंगचित्रात नेहमीच केंद्रस्थानी असल्याने समाज माध्यमांवर चांगलाच धुरळा उडत आहे. परंतु, राज ठाकरेंनी प्रसिद्ध केलेल्या व्यंगचित्राला व्यंगचित्राच्याच माध्यमातून प्रतिउत्तर देताना भाजपच्या पगारी कॉपीकॅट व्यंगचित्रकारांना विषय आणि संदर्भ याचं प्राथमिक ज्ञान नसल्याचं दिसत असून, त्यात भाजपचीच फजिती होत आहे.

हेही वाचा – डोंबिवली एमआयडीसी कार्यालयावर मनसेचा धडक मोर्चा मृतांच्या नातेवाईकांना ५ लाख आणि नोकरी देण्याची मागणी – मुंबई आस पास

परंतु, एकूणच राज ठाकरेंची व्यंगचित्र भाजपच्या भलतीच जिव्हारी लागत असावीत म्हणून पगारी कॉपीकॅट व्यंगचित्रकार दत्तक घेण्याची वेळ भाजपवर आली आहे का अशी चर्चा समाज माध्यमांवर रंगली आहे. मुख्य म्हणजे सत्ताधाऱ्यांनी समाज माध्यमांवर २०१४ पासून फोटोशॉपच्या माध्यमातून विरोधकांच्या मूळ फोटोमध्ये खोडसाळपणा करण्याची रुजवलेली कला आता व्यंगचित्रात सुद्धा रुजू होत आहे. त्यामुळे सध्या फोटोशॉपचा खोडसाळपणा जसा सत्ताधाऱ्यांच्या अंगलट येत आहे, तसाच तो भविष्यात व्यंगचित्राच्याबाबतीत सुद्धा भाजपच्या अंगलट आल्यास आश्चर्य वाटायला नको.

कारण, भाजपचे हे कॉपीकॅट व्यंगचित्रकार केवळ राज ठाकरे यांनी प्रसिद्ध केलेल्या व्यंगचित्रातील शब्द बदलून आणि त्यातल्या व्यक्तिरेखा बदलून संदर्भहीन व्यंगचित्र प्रसिद्ध करत आहेत. दरम्यान, शब्दखेळ करताना त्यांची एकूणच तारांबळ उडताना दिसत आहे. त्यामुळे शब्दखेळ करताना छत्रपती शिवाजी महाराजांपासून ते यशवंतराव चव्हाणांपर्यंत कोणालाही त्यात जोडून काही संदर्भहीन व्यंगचित्र प्रसिद्ध करण्यात येत आहे. परंतु यातून व्यंगचित्रकारितेचाच अपमान होतो आहे का? असा प्रश्न उपस्थित होत आहे.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email