भारत रशियाकडून खरेदी करणार जगातील सर्वात अत्याधुनिक क्षेपणास्त्र

रशियाचे राष्ट्राध्यक्ष व्लादिमीर पुतीन यांच्या उद्यापासून सुरू होणाऱ्या दोन दिवसीय भारत दौऱ्यावर भारतासोबत एस ४०० क्षेपणास्त्र शोध यंत्रणेच्या खरेदीचा करार होणार आहे. या करारामुळे जगातली सर्वात अत्याधुनिक अशी क्षेपणास्त्र शोध यंत्रणा भारताला मिळणार असून त्यासाठी ५ अब्ज अमेरिकन डॉलर खर्च करण्यात येणार आहे.

या यंत्रणेत ४०० किलोमीटर अंतरावरून एकाच वेळी येणाऱ्या अनेक क्षेपणास्त्रांचा शोध घेऊन त्यांना खाली पाडण्यासाठी हल्ला करण्याची सोय़ आहे. या खरेदी कराराबाबत दोन्ही देशांमध्ये करा रझाला असून पुतीन आणि मोदींच्या भेटी दरम्यान दोन्ही सरकारचे प्रतिनिधी करारावर सह्या करतील अशी माहिती पुतीन यांचे जवळचे परराष्ट्र सल्लागार युरी उषेगाव्ह यांनी मोस्कोत दिली आहे.

Please follow and like us: