नाशिकचा दत्तक बाप कुठे गेला? – मनसे अध्यक्ष राज ठाकरे

रविवारी रात्री आठ वाजता राज ठाकरे यांचे नाशिकला आगमन झाले. नाशिकचा दत्तक बाप कुठे गेला? असा प्रश्न करीत मुख्यमंत्री देवेंद्र फडणवीस यांच्या दत्तक घोषणेची मनसे अध्यक्ष राज ठाकरे यांनी खिल्ली उडवली. धुळे येथून रविवारी रात्री नाशिकला मुक्कामी आले असता त्यांनी कार्यकर्त्यांशी संवाद साधत मुख्यमंत्र्यांवर निशाना साधला.

शासकीय विश्रामगृहात त्यांनी कार्यकर्त्यांशी संवाद साधला. यावेळी कार्यकर्त्यांनी नाशिकचे विविध प्रश्न त्यांच्यासमोर मांडले.

नाशिक येथे मुक्काम करून ते सकाळी साडेदहा वाजता पुणे येथे जाणार असल्यामुळे या मुक्कामात त्यांनी कार्यकर्त्यांशी पंधरा मिनिटे संवाद साधला. यावेळी राज ठाकरे यांनी प्रत्येक वेळेस मीच बोलायचे का? असे सांगत तुम्ही बोला असे कार्यकर्त्यांना उद्देशून सांगितले. त्यानंतर कार्यकर्त्यांनी त्यांच्यासमोर अनेक समस्या मांडल्या. एकलहरे येथील प्रकल्प विदर्भात हलवला जात आहे. आतापर्यंत सर्वांनी विरोध केला. पण, मनसेने विरोध केला तर हा प्रकल्प हलवला जाणार नाही.

यामुळे अनेकांचा रोजगाराचा प्रश्नही सुटेल, असे कार्यकर्त्यांनी सांगितले. त्यावर राज ठाकरे यांनी मात्र मौन पत्करले. गेल्या पाच वर्षांत मनसेने महापालिकेत अनेक विकासकामे केली. पण, आता काहीच कामे होत नाहीत. अनेक प्रश्नांकडे दुर्लक्ष होत असल्याचे सांगत राज ठाकरे यांना लक्ष घालण्याची विनंती केली. यावेळी वीज दरवाढ, उद्योग स्थलांतर करीत असल्याचेही प्रश्न मांडण्यात आले. यावेळी स्केटिंगसाठी स्टेडियम हवे, यासाठी या खेळाडूंनी राज ठाकरे यांची भेट घेतली. यावेळी माजी महापौर अशोक मुर्तडक यांच्यासह मनसेचे पदाधिकारी उपस्थित होते.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email