नव्या वर्षाच्या प्रारंभीच पाणी कपातीचे संकट

(श्रीराम कांदु )

डोंबिवली : उल्हास नदीतील पाण्याच्या नियोजनासाठी लघू पाटबंधारे खात्याने १ जानेवारीपासून कल्याण-डोंबिवली महापालिका क्षेत्रात दरवर्षीप्रमाणे यावर्षीही १४ टक्के पाणीकपात लागू केली आहे. त्यामुळे महिन्यातून दोन दिवस पाणीपुरवठा बंद ठेवण्यात येणार आहे.

पाण्याची चोरी आणि गळती रोखण्यात आलेल्या अपयशने ही उणीव भरून काढण्यासाठी पाणी कपातीचा मार्ग काढला आहे. तसेच पाण्याच्या नियोजनातील नाकर्तेपण झाकण्यासाठी ही कपात लागू करूनआम्ही पाण्याची बचत करतो अशी सावरा-सावर करीत असल्याची टीका शहरात सुरू झाली आहे. ही कपात १५ जुलैपर्यंत म्हणजे येणाऱ्या साडेसहा महिन्यापर्यंत राहणार आहे. कल्याण-डोंबिवली पालिकेच्या बारावे, मोहिलीनेतीवली व टिटवाळा जलशुद्धीकरण केंद्रातून  जानेवारीपासून पाणीकपात होईल. दर महिन्याच्या पहिल्या आणि तिसऱ्या मंगळवारी पाणीपुरवठा २४ तास बंद ठेवण्यात येणार आहे.पुरवठा आणि मागणी याचा ताळमेळ राखण्यासाठी ही कपात करण्यात आली असल्याने नागरिकांनी पुरेसा पाणीसाठा करावा असे आवाहन पालिकेच्या पाणीपुरवठा विभागाचे कार्यकारी अभियंता राजीव पाठक यांनी केले आहे

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email