डोंबिवलीत रिक्षांना काळे झेंडे लावून निषेध

डोंबिवली दि.२२ – सरकारने पेट्रोल, डिझेल, गँस ची दरवाढ कमी करावी अन्यथा रिक्षा चालकांना महागाई निर्दशांक प्रमाणे २०१२पासूनची भाडेवाढ द्यावी. या मागणीसाठी लालबावटा रिक्षा युनियनने २० सप्टेंबर पासून डोंबीवलीतील रिक्षांना काळे झेंडे लावून निषेध आंदोलन करण्यात आले. युनियनचे अध्यक्ष कालू कोमास्कर यांच्या नेतृत्वाखाली करण्यात आलेल्या आंदोलनात मात्र इतर रिक्षायुनियन सहभागी झाले नाहीत. अनेक रिक्षाचालक सावकारी कर्जात अडकले जात आहेत. पेट्रोल, डिझेल, गँस ची दरवाढ होत असताना जीवनावश्यक वस्तुंची वाढ होत आहे. परंतू रिक्षांची भाडेवाढ सरकार करत नाही. अशा सर्व परिस्थितीत रिक्षाचालक आपल्या कुटुंबाचा कसाबसा उदरनिर्वाह करित आहेत.

महागाई निर्दशांक प्रमाणे प्रत्येक वर्षी १ मे रोजी रिक्षा प्रवास भाडेवाढ दिली पाहीजे असा हकिम समितीचा आणि राज्य सरकारचा निर्णय असताना देखिल रिक्षा भाडेवाढ दिली जात नाही. पूर्वी काँग्रेस सरकार आणि आता भाजप सरकार रिक्षा चालकांवर अतिशय घोर अन्याय करित आहे. त्यामुळे सरकारने पेट्रोल, डिझेल, गँस ची दरवाढ कमी करावी अन्यथा रिक्षा चालकांना महागाई निर्दशांक प्रमाणे २०१२ पासूनची भाडेवाढ द्यावी. या मागणीसाठी लालबावटा रिक्षा युनियन तर्फे २० सप्टेंबर पासून डोंबिवलीतील रिक्षांना काले झेंडे बांधून निषेध आंदोलन करण्यात येत आहे. असे कालू कोमास्कर यांनी सांगितले.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email