गर्दीचा फायदा घेत मोबाईल लंपास – डोंबिवलीतील घटना

कल्याण दि.१९ – कल्याण डोंबिवलीत भुरट्या चोरट्यांचा उपद्रव वाढला असून बाजारात असलेल्या गर्दीच्या फायदा घेत नागरिकाच्या मौल्यवान वस्तू चोरण्याच्या घटना मध्ये वाढ झाली आहे. डोंबिवली पलावा येथे राहणारे अमित बन्सल हे निळजे येथील मार्केट मध्ये भाजी खरेदी करण्यासाठी गेले होते. ते भाजी खरेदी करत असतांना अज्ञात चोरट्याने त्याच्या खिशातील ३५ हजार रुपये किमतीचा मोबाईल चोरला. मोबाईल चोरीला गेल्याचे लक्षात आल्याने त्यांनी या प्रकरणी मानपाडा पोलीस स्थानकात तक्रार नोंदवली असून या तक्रारी नुसार पोलिसांनी अज्ञात चोरट्या विरोधात गुन्हा दाखल करत पुढील तपास सुरु केला आहे.

Please follow and like us: