हात चालाखीने डेबिट कार्ड लंपास करत १९ हजारांना गंडा
डोंबिवली – बँकांकडून अज्ञात इस्माना बँक खात्याची माहिती देऊ नका असे वारांवर आवाहन केलेलं जात असले तरी आजही नागरिक आवल्या खात्याची माहिती अज्ञात इस्माना देत असतात . एटीएम वापराबाबत माहिती अद्न्यात इसमाला विचारत त्याला पासवर्ड देणें एका इसमाला चांगलेच महागात पडले असून माहिती देण्याचा बहाण्याने भामट्याने या इसमाचे एटीएम कार्ड चोरून कार्डच्या साहाय्याने १९ हजारांना गंडा घातला आहे .या प्रकरणी सदर इसमाने माणपाडा पोलीस स्थानकात तक्रार नोंदवली आहे . कल्याण पुर्वेकडील मलंग रोड येथील एकविरा श्रावणी अपार्टमेंट मध्ये राहणारे ब्रिजलाल यादव ५५ हे एल आय सी एडवायझर आहेत.काल रात्री आठ वाजण्याच्या सुमारास ते याच परिसरातील एका एटीएम मध्ये गेले एटीएम मधील शिल्लक रक्कम कशी बघायची हे माहीत नसल्याने त्यांनी त्या ठिकाणी असलेल्या एका अज्ञात इसमाला माहिती विचारली या इसमास यादवने आपला पासवर्ड सांगितला .या अज्ञात भामट्याला आयतीच संधी मिळाल्याने त्याने यादव यांचे लक्ष विचलित करत त्यांचे डेबिट कार्ड चोरले व त्या आधारे दुसऱ्या एटीएम मधून १९ हजार रुपये काढून घेतले .सदर बाब निदर्शनास येताच यादव यांनी मानपाडा पोलीस स्थानकात तक्रार दाखल केली असून या तक्रारी नुसार पोलिसानी अज्ञात चोरट्या विरोधात गुन्हा दाखल केला आहे .
Please follow and like us:
