रक्षाबंधननिमित्त भावांनी आपल्या बहिणींना साडी, दागिने किंवा अन्य कोणतेही ‘गिफ्ट’ न देता स्वच्छतेचा संदेश देऊन थेट शौचालय भेट दिली

रक्षाबंधननिमित्त भावांनी आपल्या बहिणींना साडी, दागिने किंवा अन्य कोणतेही ‘गिफ्ट’ न देता स्वच्छतेचा संदेश देऊन थेट शौचालय भेट दिले आहे. जिल्ह्यातील अनेक गावांत या अनोख्या रक्षाबंधनाची चर्चा दिवसभर होती. बहीण-भावाचे अतूट नाते जपणाऱ्या या सणाच्या निमित्ताने भावांनी आपल्या बहिणींना ‘स्वच्छ भारत’चा नारा देऊन दिलेली वेगळी भेट या बहिणींच्या कायम स्मरणात ठरेल. अनेक गरजू घरांत यंदाची राखी पौर्णिमा दिलासादायक ठरली.

हेही वाचा :- मलंगगडावर हिंदू बांधवांनी मुस्लिम बांधवाना राखी बांधून सामाजिक एकतेच घडविले दर्शन

रक्षाबंधननिमित्त रविवारी जिल्ह्यात एकूण २४०० शौचालये भावांनी बहिणींना भेट दिली आहेत. बेळगाव जिल्ह्यात गरजूंना शौचालये बांधण्याचे उद्दिष्ट जिल्हा परिषदेचे मुख्य कार्यकारी अधिकारी डॉ. आर. रामचंद्रन यांनी ठेवले होते. ज्या घरी शौचालये नाहीत त्या घरी शौचालय बांधण्यासाठी ग्रामस्थांना प्रोत्साहित करण्यात आले. त्यामुळे जिल्ह्यात रविवारी सुमारे २४०० शौचालये बहिणींना भेट स्वरूपात मिळाली आहेत. विशेष म्हणजे आर्थिक परिस्थिती हलाखीची असतानाही अनेक भावांनी पदरमोड करून बहिणीला शौचालयाची ओवाळणी दिली आहे. या अनोख्या भेटीने भारावलेल्या बहिणींनी शौचालयासमोरच भावाला राखी बांधून औक्षण केले. इतर वेळी सहसा न दिसणारे हे चित्र रविवारी बेळगाव जिल्ह्यात पहायला मिळाले.

हेही वाचा :- रक्षाबंधनाच्या शुभदिनी एकाच वेळी चार सुंदर मुलींचा जन्म

दरम्यान, बेळगाव जिल्हा परिषदेने बेळगाव जिल्हा हागणदारीमुक्त करण्याचा निश्चय केला आहे. बेळगाव आणि खानापूर हे दोन तालुके हागणदारीमुक्त झाले आहेत. शौचालय बांधण्यासाठी सर्वसामान्य वर्गाला बारा हजार रुपये अनुदान आणि अनुसूचित जाती, जमातीच्या व्यक्तींना पंधरा हजार रुपये अनुदान देण्यात येत आहे. जिल्हा परिषदेच्या वतीने रक्षाबंधनानिमित्त बहिणीला शौचालय भेट देण्याची योजना आखली होती. त्यानुसार अनेकांनी जिल्हा परिषदेच्या अनुदानात आपले पैसे घालून शौचालय बांधले. जिल्हा परिषदेचे सीईओ आर. रामचंद्रन यांनी राबविलेल्या या विशेष अभियानाचे लोकांमधून कौतुक होत आहे.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email