मुख्यमंत्री सहाय्यता निधीतील चेक बाऊन्स

मुख्यमंत्री सहाय्यता निधीतील १५१ चेक बाऊन्स

 

मुख्यमंत्री सहाय्यता निधीला देणगी स्वरुपात दिलेले दीडशेहून अधिक धनादेश वटलेलेच नाहीत, अशी धक्कादायक माहिती उजेडात आली आहे. काही देणगीदारांनी पैसे नसलेले आणि बंद झालेल्या खात्यांचे धनादेश दिले असल्याचेही समोर आले आहे.

मुख्यमंत्री सहाय्यता निधी, मुख्यमंत्री सहाय्यता निधी (जलयुक्त), मुख्यमंत्री सहाय्यता निधी (दुष्काळ), मुख्यमंत्री सहाय्यता निधी (शेतकरी मदत) अशी एकूण चार खाती आहेत. विविध सरकारी योजना, नैसर्गिक आपत्तीग्रस्त आणि गरजूंना आर्थिक मदत देण्याचे आवाहन मुख्यमंत्री करतात. त्यांच्या आवाहनाला विविध स्तरांतून उत्तम प्रतिसादही मिळतो. मात्र, काही महाभागांनी मुख्यमंत्री सहाय्यता निधीला दिलेले तब्बल १५१ धनादेश वटलेलेच नाहीत. त्यांनी पैसे नसलेल्या किंवा बंद असलेल्या खात्यांचे धनादेश दिल्याचे माहिती अधिकारातून समोर आले आहे. जितेंद्र घाडगे यांनी माहिती अधिकारांतर्गत विचारणा केली होती. त्यावर संबंधित विभागाने ही माहिती दिली आहे.

कांतीबेन रसिकलाल शहा चॅरिटेबल ट्रस्टने दुष्काळ निवारणासाठी ५१ लाख रुपयांचा धनादेश दिला होता. मात्र, तो अद्याप वटला नाही, अशी माहिती देण्यात आली आहे. काही कारणास्तव पहिला धनादेश मागे घेण्यात आला आहे. त्यानंतर ४३ लाख आणि आठ लाख रुपये असे दोन धनादेश ट्रस्टकडून देण्यात आल्याचे मुख्यमंत्री कार्यालयाने स्पष्ट केले आहे. मुख्यमंत्री सहाय्यता निधीसाठी २०१५-१६ आणि २०१६-१७ या कालावधीत एकूण ४०५ कोटी ९३ लाख ५८ हजार ४४० रुपयांच्या देणग्या देण्यात आल्या आहेत. त्यातील ३७२ कोटी रुपये वैद्यकीय मदत, जलयुक्त शिवार, दुष्काळ निवारण, अपघाती मृत्यू, जळीतग्रस्त, कृत्रिम अवयव प्रत्यारोपण यांसह इतर कामांसाठी खर्च करण्यात आले आहेत, अशीही माहिती देण्यात आली आहे.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email