केडीएमटीमधून दिव्यांगांना लवकरच विनामूल्य प्रवास

 केडीएमटीमधून दिव्यांगांना लवकरच विनामूल्य प्रवास 

खासदार डॉ. श्रीकांत शिंदे यांचे आश्वासन

( श्रीराम कांदु )
डोंबिवली : बेस्ट आणि टीएमटीच्या धर्तीवर केडीएमटीमधूनही दिव्यांगांना विनामूल्य प्रवासाची सुविधा मिळवून देण्यासाठी प्रयत्न करणार असल्याचे आश्वासन शिवसेनेचे खासदार डॉ श्रीकांत शिंदे यांनी शनिवारी दिव्यांग सहायता शिबिरात दिले. दोन दिवसांपासून सुरू असलेल्या शिबीरात जवळपास सव्वा दोन हजार लाभार्थ्यांची तपासणी करण्यात आली.
केंद्र सरकारच्या केंद्रीय सामाजिक न्याय खात्याच्या दिव्यांग सक्षमीकरण विभागाच्या मदतीने खासदार शिंदे यांनी या शिबिरांचे आयोजन केले होते. समाजात वावरताना दिव्यांगांना अनेक समस्यांना सामोरे जावे लागते. जीवनावश्यक साधने घेणे देखील पैशांअभावी अनेकांना परवडत नाहीत त्यामुळेच या शिबीराचे आयोजन केल्याचे खासदारांनी सांगितले. शिंदे यांच्या खासदार निधीतून अंबरनाथ येथील प्रवीण जोशी, डोंबिवली येथील दत्तात्रय सांगळे आणि उल्हासनगर येथील मंगल उल्बी या दिव्यांगांना तीन चाकी स्कूटर खा. डॉ. शिंदे यांच्या हस्ते देण्यात आली; तसेच, कळवा येथील शरद पवार आणि दिवा येथील संतोष वानखेडे यांना कृत्रिम पाय बसवण्यात आला. ‘क्षितीज’ या विशेष मुलांच्या शाळेतील ३८ विद्यार्थी आणि ‘संवाद’ या कर्णबधिर मुलांच्या शाळेतील ७ विद्यार्थ्यांनी देखील या शिबिराचा लाभ घेतला. या विद्यार्थ्यांना विशेष मुलांसाठी मेंदूचा विकास करणारे विशेष गेम्स आणि व्यायामासाठीचे साहित्य यांचा समावेश असणारे एमआर आणि सेंसरी किट देण्यात आले. रविवार १५ ऑक्टोबर रोजी खिडकाळेश्वर मंदिर, खिडकाळी व झमझम हॉल, खडी मशीन रोड, कौसा-मुंब्रा या ठिकाणी ही शिबिरे होणार आहे. त्याचा लाभ दिव्यांनी घ्यावा असे आवाहनही शिंदे यांनी केले.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email