कळंबोली येथे महाराष्ट्र दिनानिमित्त कोकण विभागीय ध्वजारोहण संपन्न

(म विजय)

नवी मुंबई, दि.1 : महाराष्ट्र दिनाच्या 58 व्या वर्धापन दिनानिमित्त कोकण विभागाचे मुख्य ध्वजारोहण महिला व बालविकास राज्यमंत्री श्रीमती विद्या ठाकूर यांच्या हस्ते कळंबोली, नवी मुंबई येथील पोलीस मुख्यालयाच्या मैदानात करण्यात आले. उपस्थित मान्यवर, नागरिक आदींना श्रीमती विद्या ठाकूर यांनी यावेळी वर्धापन दिनाच्या शुभेच्छा दिल्या.   यावेळी कोंकण विभागीय महसूल आयुक्त डॉ.जगदीश पाटील, नवी मुंबई महानगरपालिका आयुक्त डॉ.रामास्वामी एन., पनवेल महानगरपालिका आयुक्त गणेश देशमुख, नवी मुंबई पोलीस आयुक्त श्री.हेमंत नगराळे, अतिरिक्त पोलीस आयुक्त, नवी मुंबई श्री.प्रशांत बुरूडे, आदी मान्यवर उपस्थित होते.

यावेळी राज्य राखीव पोलीस दल, जलद प्रतिसाद पथक, दंगल नियंत्रण पथक, नवी मुंबई पोलीस पथक, नवी मुंबई महिला पोलीस पथक, नवी मुंबई पोलीस वाहतूक शाखा पथक,  सिडको अग्निशमन दल पथक, नवी मुंबई पोलीस बॅण्ड पथक, याशिवाय अतिथी निरीक्षण वाहन, नवी मुंबई पोलीस श्वान पथक, बुलेट ब्रुफ वाहन, आर.आय.व्ही. वाहन, वज्र वाहन, बीडीडीएस वाहन, वरूण वाहन, अग्निशमन दल वाहन, आदिंनी संचलनाव्दारे प्रमुख अतिथी श्रीमती विद्या ठाकूर यांच्या उपस्थितीत राष्ट्रध्वजाला मानवंदना दिली.  रस्ता सुरक्षा पंधरवडा निमित्त पी.डी.सी. अकॅडमी, नवी मुंबई यांनी  पथनाट्य सादर केले. यावेळी उत्कृष्ट सूत्र संचालनासाठी शुभांगी पाटील व निंबाजी गिते यांचा मान्यवरांच्या हस्ते सत्कार करण्यात आला.  या कार्यक्रमास उपआयुक्त (सामान्य प्रशासन) महेंन्द्र वारभुवन, उपायुक्त (महसूल) सिध्दराम सालीमठ, उपायुक्त (करमणूक) शिवाजी कादबाने, उपायुक्त (विकास) गणेश चौधरी, उपायुक्त (पुरवठा) दिलीप गुट्टे, उपायुक्त (रोहयो) अशोक पाटील, पोलीस उपायुक्त डॉ.राजेंद्र माने, पोलीस उपायुक्त सुधाकर पठारे, पोलीस उपायुक्त राजेंद्र बनसोडे, पोलीस उपायुक्त तुषार दोषी, पोलीस उपायुक्त नितीन पवार  तसेच शासकीय अधिकारी, कर्मचारी व नागरिक मोठया संख्येने उपस्थित होते.  कार्यक्रमाचे सूत्र संचालन शुभांगी पाटील आणि निंबाजी गिते यांनी  केले.

Please follow and like us:

Leave a Reply

Your email address will not be published. Required fields are marked *

error

Enjoy this blog? Please spread the word :)

Follow by Email