आयुक्तांनी केली डंम्पींग ग्राउंडची पाहणी
आधारवाडी डंम्पिगचा प्रश्न लवकरात लवकर मार्गी लावू आयुक्त गोविंद बोडके यांचे आश्वासन
कल्याण – आधारवाडी डंम्पिगचा प्रश्न लवकरात लवकर मार्गी लावू असे आश्वासन आयुक्त गोविंद बोडके यांनी आज दिले. आधारवाडी येथील नागरिकांनी डंम्पिग ग्राउंडचा प्रश्न तातडीने मार्गी लावण्यासाठी सोमवारी महापालिकेवर मोर्चा आणला होता. या मार्चोत सामील झालेल्या शिष्टमंडळाला बुधवारी स्वतः येवुन प्रत्यक्ष पाहणी करणार असल्याची ग्वाही आयुक्त गोविंद बोडके यांनी दिली होती. त्यानुसार आयुक्तांनी आज पाहणी केली.यावेळी घनकचरा व्यवस्थापन विभागाचे उपायुक्त धनाजी तोरस्कर, जल अभियंता चंद्रकांत कोलते, कार्यकारी अभियंता घनश्याम नवांगुळ या अधिका-यां समवेत आयुक्तांनी चर्चा केली व घनकच-या संदर्भात सुरु असलेल्या प्रकल्पांबाबत माहिती घेतली. घनकचरा व्यवस्थापना संबधी सुरु असलेल्या इतर नियोजित प्रकल्पांना लवकरच भेटी देवुन, ते प्रकल्प देखील तातडीने कसे मार्गी लावले जातील, याचा ही देखिल त्यांनी आढावा घेतला. यादरम्यान स्थानिक महिलांनी भेटून तातडीने उपाययोजना करण्याबाबत सांगितल्यावर आयुक्तांनी डंम्पिग ग्राउंडला आग लागणार नाही , याची प्रशासन पूर्णपणे खबरदारी घेईल तसेच जंतुनाशक व दुर्गंधीनाशक फवारणी मोठया प्रमाणावर करण्यात येईल, असे सांगितले. यावेळी स्थानिक नगरसेवक तथा भाजपा गटनेते वरूण पाटील, शहर अभियंता प्रमोद कुलकर्णी, कार्यकारी अभियंता रघुवीर शेळके, अग्निशमन अधिकारी दिलीप गुंड, उपायुक्त नितीन नार्वेकर, प्रभाग क्षेञ अधिकारी विनय कुलकर्णी, प्रकाश ढोले उपस्थित होते.
Please follow and like us:
